35.
GLOBALISMO KAJ DETALISMO
La homoj distingighas interalie
ankau lau tiu ennaskita karakterizo kiu faras ilin au
ghenerale globalismaj au ghenerale detalismaj. Iuj
homoj tutsimple tuj rimarkas multajn detalojn en kiu
ajn por ili nova fenomeno kaj interesighas pri
detaloj. Aliaj, kontraue, konceptas chion tutece kaj
ne rimarkas detalojn. Kiam vi vidas novan auton kaj
interesas vin kiom stabila ghi estas, kiom rapida,
fortika kaj por kiuj specialaj celoj ghi povas servi,
sed aliaj elementoj ne interesas vin, vi estas
globalisto. Por vi la auto estas nur ilo por certa
celo, por la transportado. Ghi estas ilo en via
ghenerala, globala, vivkoncepto, vi vidas ghin kiel
parton de pli grandaj strukturoj. Se, kontraue, vi
tuj interesighas pri teknikaj detaloj de tiu auto,
pri speco de materialo el kiu estas faritaj ghiaj
gravaj motorpartoj, pri largheco de pneumatikoj, pri
shtofo el kiu estas la sidiloj ktp., vi estas
detalisto. Vi estas homo kiu interesighas pri partoj,
elementoj el kiuj io konsistas, kiel io funkcias, vi
shatas analizi aferojn, kompreni la rolon kaj
aspekton de detaloj. Vin la aferoj ne interesas kiel
partoj de la pli granda strukturo, parto de la mondo,
sed kiel la tuto mem kiu havas multajn interesajn
detalojn. Siatempe en la meza teknika lernejo diris
al mi instruisto pri teknika edukado: "Kara
filo, vi ne havas senton por detaloj, vi tute ne
rimarkas ilin, vi ne estas por tekniko!" Kaj li
pravis. Globalistoj ne estas bonaj teknikistoj, he
povas kvalite kaj bone okupighi pri ekzaktaj detaloj
necesaj por teknikscienca agado. Ili estas bonaj
organizantoj, ili povas sukcese okupighi pri sociaj
sciencoj kaj organizado, char por tio necesas bona
sento pri la tuto, sento por kompreni prioritatojn
por povi rezigni pri negravajhoj. lu direktoro au
chefo devas havi bonegan senton por kompleta
funkciado de la entrepreno, devas kompreni kio estas
grava kaj primara en tiu funkciado kaj devas bonege
distingi inter negrava detalo kaj esencaj procedoj
kiuj povas damaghi grandskale la entreprenon.
Detalistoj kutime ne estas tre bonaj gvidantoj,
organizantoj, char por ili pli gravas detaloj ol la
tuto. Sed ili estas bonegaj praktikuloj kaj
sciencistoj en teknikaj, ekzaktaj sciencoj, kie chiu
detaleto estas grava por kvalita funkciado de iu
sistemo.
Tial estas grava tasko de
gepatroj malkovri che siaj infanoj ghustatempe, chu
ili estas globalistoj au detalistoj por povi helpi al
ili serchi la ghustan profesion, helpi decidighi pri
lernejo kiun ili frekventu post la ghenerala baza
lemado.
Nature, tio ne signifas ke
globalistoj entute ne povas esti sukcesaj sciencistoj
kaj ke detalistoj ne povas esti sukcesaj
organizantoj. Jes, sed en la sferoj al ili konvenaj:
globalistoj povas esti bonaj sciencistoj pri fakoj
globalaj kiel filozofio, ghenerala lingvistiko,
matematiko, organizosciencoj, pri la tiel nomataj
fundamentaj sciencoj, kaj la detalistoj povas esti
bonaj organizantoj en produktado de certaj detaloj,
do, chefoj de partoj en entreprenoj, instruistoj de
fakoj tre precizaj kaj teknike klaraj.