Leono farighas la regho de la bestoj

Ripozinte post suferitaj plagoj la vojaghantoj iris pluen. Post rivero la lando farigis pli gaja. Aperis ombraj arbaretoj kaj verdaj herbejoj. Post du tagoj la vojaghantoj eniris grandan arbaron.
- Kia charma arbaro! - admiris Leono.- Mi ghis nun ne vidis tiajn praajn arbarojn. Mia naska arbaro estas malpli bona.
- Tro malgaje estas chi tie,- rimarkis Timigulo.
- Tute ne! - kontraudiris Leono. - Rigardu, kia mola tapisho el sekaj folioj estas sub la piedoj! Kaj kia densa kaj verda musko pendas sur la arboj! Mi volus resti chi tie por chiam.
- En chi arbaro, vershajne, estas sovaghaj bestoj,- diris Elli.
- Strange estus, se chi bonega loko ne estus loghata,- respondis Leono.
Kaj kvazau por konfirmi chi tiujn vortojn el la densejo audighis obtuza mugho de diversaj bestoj. Elli ektimis, sed Leono trankviligis shin.
- Sub mia gardo vi estas en sekureco! Chu vi forgesis, ke Gudvin donis al mi bravecon?
Piedpremita pado kondukis ilin al grandega arbarkampo, kie kunvenis miloj da bestoj. Tie estis elefantoj, ursoj, tigroj, lupoj, vulpoj kaj multe da ceteraj bestoj. La apudaj bestoj scivole rigardis Leonon; tra tuta arbaro flugis famo pri lia alveno.
La bruo kaj mughoj tuj malaperis. Granda Tigro elpashis antauen kaj respekte riverencis al Leono:
- Ni salutas vin, ho regho de bestoj! Vi venis ghustatempe, por ekstermi nian malamikon kaj porti pacon al la bestoj de chi tiu arbaro.
- Kiu estas via malamiko? - demandis Leono.
- En nia arbaro aperis terura besto. Ghi similas araneon, sed estas dekoble pli granda ol bubalo. Kiam ghi pashas tra arbaro, post ghi restas vasta spuro el faligitaj arboj. Kaj chiujn, kiujn ghi renkontas, ghi kaptas per antauaj piedoj, tiras al busho kaj elsuchas sangon. Ni kunvenis por diskuti kiel ni povas liberighi.
Leono iomete pensis.
- Chu estas leonoj en via arbaro? - demandis li.
- Por nia grandega malfelicho, ne estas.
- Se mi ekstermos vian malamikon, chu vi deklaros min via regho kaj obeos min?
- Ho, kun plezuro, kun grandega plezuro! - kune ekmughis la bestoj.
- Mi iras batali! - kuraghe deklaris Leono. - Vi gardu miajn amikojn ghis mi revenos. Kie estas la monstro?
- Jen tie, - montris Tigro. - Iru lau la pado, ghis vi atingos grandajn kverkojn. Tie Araneo digestas bovon manghitan matene.
Leono venis al la kushejo de Araneo, chirkau kiu estis faligitaj arboj. Araneo estis multoble pli acha ol dekdupieda besto, farita de Gudvin, kaj Leono rigardis la malamikon kun abomeno. Al grandega korpo de Araneo estis ligitaj fortaj piedoj kun teruraj ungegoj. La besto estis tre fortaspekta, sed la kapo estis sur maldika longa kolo.
"Jen estas plej vundebla loko de la monstro",- pensis Leono. Li decidis ataki la dormantan Araneon senprokraste.
Leono sukcesis fari longan salton kaj trafis ghuste sur dorson de la besto. Antau ol Araneo rekonsciighis post dormo, Leono per bato de piedo disshiris ghian maldikan kolon kaj rapide desaltis. La kapo de Araneo rulighis for, kaj la korpo ekgratis per ungegoj grundon kaj baldau trankvilighis.
Reveninte sur la arbarkampon, kie la bestoj malpacience atendis lian revenon, Leono fiere deklaris:
- De nun vi povas dormi trankvile: la terura monstro estas ekstermita!
Admira mughego de la besta amaso respondis al li. La bestoj solene jhuris pri sia fideleco al Leono, kaj li diris:
- Mi revenos, tuj post kiam revenigos Elli en Kanzason, kaj regos vin saghe kaj favore.

, . . . .
- ! - . - . .
- ! - .
- , - . - , ! !
- , , , - .
- , ! - .
. , :
- . , ?
, . , , , , . : .
. :
- , ! , .
- ? - .
- . , . , . , , . , ...
.
- ? - .
- , .
- , ?
- , , ! .
- ! - . - , . ?
- ! - . - , . .
, . , . , , . . , . " ", - . . , . , .
, . . , , :
- : !
. , :
- , , .

<< >>

PRI TUTKOMUNA LINGVO
PRI RUSA LINGVO
PRI ANGLA LINGVO
PRI ALIAJ NACIAJ LINGVOJ
BATALO DE LINGVOJ
ARTIKOLOJ PRI ESPERANTO
"" PRI "KONKURENTOJ" DE ESPERANTO
LECIONOJ DE ESPERANTO
.KONSULTOJ DE E-INSTRUISTOJ
ESPERANTOLOGIO KAJ INTERLINGVISTIKO
TRADUKO DE MALSIMPLAJ FRAZOJ
TRADUKOJ DE DIVERSAJ VERKOJ
FRAZEOLOGIO DE ESPERANTO
, . VERKOJ DE ZAMENHOF KAJ PRI LI
, PROKSIMAJ MOVADOJ
ELSTARAJ PERSONOJ KAJ ESPERANTO
PRI ELSTARAJ ESPERANTISTOJ
. EL HISTORIO DE RUSIA E-MOVADO
KION ONI SKRIBAS PRI ESPERANTO
ESPERANTO EN LITERATURO
. KIAL E-MOVADO NE PROGRESAS
HUMURO PRI KAJ EN ESPERANTO
- ESPERANTO POR INFANOJ
DIVERSAJHOJ
INTERESAJHOJ
PERSONAJHOJ
/ DEMANDARO / RESPONDARO
UTILAJ LIGILOJ
IN ENGLISHPAGHOJ EN ANGLA LINGVO
PAGHOJ TUTE EN ESPERANTO
NIA BIBLIOTEKO


. miresperanto.com !