AL JUNAJ AMIKOJ |
 |
Ljudmila Ivanovna Jevsejeva (1913-1980)
DONACETOJ POR INFANOJ (1)
AL JUNAJ AMIKOJ |
|
| NOVJARA TRAJNO Glitas pala Luno En blueta brilo. Dormas kamp', arbaro Sub la negh-kovrilo. Sur vojetoj blankaj Ombroj balancighas, Meze de la kampo "Tu-tu-tu-u!" audighas. Fulme kuras trajno Lau arghentaj reloj, En vagonoj - klaunoj, Pupoj, karuseloj... Verda semaforo Gaje okulumas, Trajna lum-jhetilo En la nokto lumas. Preterkuris trajno, Dormas semaforo. Malaperis bruo En senlima foro Kaj denove nokto Regas en trankvilo. Gardostaras Luno En blueta brilo. |
VINTRO |
| HEROINO RITA - Ve al vintro! - diras Rita, - Nova palto finkudrita. Ve al shtormaj neghokantoj! Fintrikitaj estas gantoj. Timi froston? Anekdoto! Sur piedo - felta boto, Kaj orelojn sur la kapo Varme shirmas fela chapo. Por la tuta vintro Rita Estas bone ekipita. |
 |
KURAGHA ANSERO - Ga-ga, - diras la ansero, - Kvankam neghas sur la tero, Mi sen botoj lagon iras, Chiuj knaboj min admiras: "Tiu birdo - sensacio! - Nud-piedas sur glacio!" |
| KONSILO - Kio helpas, Pingvineto Pepino, Kontrau angino? - Trifoje tage En granda dozo, Tute sen kosto - Frosto! |
| MI NE GRIPAS Mi ne ternas, mi ne tusas, Kio estas medicin' - Mi ne scias, kaj la frosto Tute ne timigas min. Tri regulojn - sen sekreto - Chiam sekvu kun impeto: Ellitigho - fru-matena, Fresha dush' - minutojn tri. Ne forgesu gimnastiki! Unu, du, tri! Unu, du, tri! |
| PRINTEMPA FEBRO Fresh-lavita pashas marto Lau senneghaj stratoj. Tutan nokton sur tegmentoj Serenadas katoj. Elokvente chirpas birdoj En chiela halo. Chiu bubo en lernejo Revas pri futbalo. Ech pedanta instruisto Magra, kiel kulo, Zumas gajan melodion Che la klas-tabulo. Estas klare, ke ne eblas Dum printempa febro Sin okupi pri fiziko, Lingvo kaj algebro. |
| URSO Hap-sa, dormemulo urso! Forvekighu, venis temp'! Chu ne jam sufichas dormi De autuno ghis printemp'? |
 |
 |
BRAVA KOKIDO Sub kov-kokin' ekestis movo: Kokid' eliras el la ovo, Kuradas, pepas, montras vervon, Por si, tut-sola, trovas vermon. |
| PETO AL LA SUNO Suneto, suneto! Donu okazon, Donu okazon Varmigi nazon. Montrighu, suneto, Almenau fojon, Almenau fojon Sekigu vojon. Suneto, suneto, Prilumu la korton. Prilumu la korton, Havigu al mi forton. |
| SKARABO Bruna, kiel arabo, Zumas la maj-skarabo, Zumas, kiel motoro, Lumas en suna oro. Kares-voche en orelon Flustras mi al pupo: "Vi ne timu la skarabon, Ghi ne estas lupo!" |
 |
| GUTAS PLUVO Gutas pluvo: pak-pak-pak! Gajas rano kaj limak'. Nur skarabo kaj abel' Sin ekscitas ghis anhel': - Multas akvo, oj-oj-oj! Spiras ni en lasta foj'. Malsekighis je malbon' Niaj jakoj, pantalon'. Sed subite - kia ghoj'! Staras fungo apud voj'! Ek al funga chap-ombrel', Skarabeto kaj abel'! |
 |
TRI FORMIKOJ Tri formikoj diligentas Fru-matene en gharden', Kovras herbon, folietojn, Kvazau perla ros-faden'. Unu serchas, dua portas Pajleretojn. Tria frat' Trenas pecon de laktuko Al tagmangho por salat'. Malsekighis piedetoj. Tusas, ternas chiuj tri. Donas panjo termometron, Lasta montras - tridek tri! - Vi ne havas kapojn, vere. Tuj en liton! Sciu, ke Nun vi trinkos fish-oleon, Malgrau viaj kri' kaj ve'. |
| RANO Kiel verda baloneto, Saltas rano al lageto: - Kva-kva-kva-kvo! Kva-kva-kva-kvo! Bonas vivo en la akvo! |
| LEONTODO Leontodo flava floris En komenco de somer'. Or-kapeto brile oris Inter herboj, sur la ter'. Pasis temp'. Petaloj velkis. Kie restis la dekor'? Sur flugiloj de la vento Lanugete flugis for. |
 |
 |
MIOZOTOJ La miozotoj che river' - Turkise milda blu' - Sin respegulas dum somer' En la trankvila flu'. Vin semis kiu? - La natur' Modeste, sen patoso. Per ghojo-larmoj brilas sur Petaloj fresha roso. |
| CHIU DORMAS En tag-mezo chiu dormas: Kat' murmuras, ronkas hund'. Sub tegmento en la nesto Dorme pepas la hirund'. Dormas birdo kaj abelo Sub folia verda tuk'. Dormas pego. Ne audighas Diligenta: tuk-tuk-tuk. Nur la sun' julia vakas. Sun el sablo flanojn bakas. |
| DANGHERAJ BESTOJ Sidas musho sur lampeto, Inter planko kaj plafon'. Homoj diras, ke dangheraj Estas tigro kaj leon'. Konfuzite zumas musho: "Chu mi kredu tion? Ne! Multe pli danghera estas Long-pieda arane'!" |
 |
| MUSHO EN MANGHEJO Surmetis chapeleton mush' Someran, kun rubandoj, Kaj flugis rekte al manghej', Nomata "Tri juglandoj". "Ho, kiel richas mangho-kart': Sur tablo sup' vaporas, Kotletoj brunas en salat', En glas' kompoto oras. Aldone - tikla bon-odor'! - Jubilas mush' image. - Sed gravas plej, ke tie chi Tag-manghas mi senpage. |
 |
SCIURO Mi klopodas kaj mastrumas Ne sencele dum someroj: Kolektataj estas nuksoj, Por sekigo - fungoj, beroj. Miaj idoj ne malsatos En hejmeca sciurejo. Mi regalos ilin zorge El kashita deponejo. |
| NOKTO EN ARBARO - Uhu-uh! - krias guf' Nokte en arbaro. Balancata de vent' Flustras foliaro. - Uhu-uh! - krias guf' Jam ne unu fojon. - Hej, amiko Lampir', Iluminu vojon! - Uhu-uh! - krias guf', - Mi malfermas balon. Chiu hastu el lit' Rekte en la halon! - Uhu-uh! - krias guf'. - Kia alianco! Leporino kaj lup' Turnas sin en danco. |
SOMERA LERNEJO Insektaro
lernas legi, |
 |