SHERCOJ DE RIKARDO CASH-13

SUKCESA MALSUKCESO

    Kruko sidas che la skribotablo kaj ekskribas la verkon de sia vivo. Per grandaj belformaj literoj li skribas la titolon: *** "Miaj dek pashoj al sukceso" ***
    Tiam li skribas: * "Numero 1" *
    Li pripensas kelkajn sekundojn, kaj skribas: "Chiam finu tion kion vi komencas."
    Li relegas tion kun kontentego.
    Kaj tiam li ekstaras kaj foriras de la skribotablo, dirante: Sufichas por hodiau.


SUKCESA MALSUKCESO (2)

    Kruko residighas che la skribotablo por plu skribi la verkon de sia vivo. Li relegas la titolon: "Miaj dek pashoj al sukceso".
   Tiam li skribas: "Numero 2: Ne chagrenighu, estu felicha."
    Tiu bela ideo igas lin rideti.
    Sed post momento, li sobrighas kaj pensas: Chu mi vere entute tiom idiotighas?


SUKCESA MALSUKCESO (3)

    Kruko denove sidighas che la skribotablo por plu skribi la verkon de sia vivo. Li relegas la titolon: "Miaj dek pashoj al sukceso".
   Tiam li skribas: "Numero 3: Legu la vivhistorion de sukcesaj personoj, kiaj financistoj kaj politikistoj."
    Dum pauzo li legas gazeton. Tio inspiras al li aldoni al la tria regulo: "Almenau pri tiuj kiuj ne estas sub akuzo au jam en malliberejo."


SUKCESA MALSUKCESO (4)

    Kruko denove sidighas che la skribotablo por plu skribi la verkon de sia vivo. Li relegas la titolon: "Miaj dek pashoj al sukceso".
   Tiam li skribas: "Numero 4: Imagu sukceson chiutage."
    Dum pauzo, li provas imagi sian sukceson. Li ne povas.
    Do, li aldonas: "Se ne vian, provu tiun de Brad Pitt au Charlize Theron."


SUKCESA MALSUKCESO (5)

    Kruko denove sidighas che la skribotablo por plu skribi la verkon de sia vivo. Li relegas la titolon: "Miaj dek pashoj al sukceso".
   Tiam li skribas: "Numero 5: Shanghu vian pensmanieron. Chiam pensu al vi mem: 'Mi povas', 'Mi certe povas'...."
    Dum pauzo, li pensas al si mem: "Mi povas, mi certe povas... malsukcesi!"


SUKCESA MALSUKCESO (6)

    Kruko denove sidighas che la skribotablo por plu skribi la verkon de sia vivo. Li relegas la titolon: "Miaj dek pashoj al sukceso".
   Tiam li skribas: "Numero 6: Kiam vi decidas celon, devontigu vin por atingi ghin."
    Dum pauzo, li pripensas la skribajhon.
    Tiam li forstrekas la vorton "dek" en la titolo, kaj skribas: "Miaj SES pashoj al sukceso".


CHU PLI LONGA LANGO?

    Jochjo etendas brakon trans la tablon por preni la salon, kiu staras aliflanke.
    Jozefino: Jochjo! Chesu etendi vian brakon tiel! Chu vi ne havas langon?
    Jochjo: Jes, panjo. Sed mia brako estas pli longa.


PARDONU!

    Kruko: Mi pardonpetas!
    Baniko: Kion?
    Kruko: Mi ne scias. La tago ne estas finita!


ATENTU BONE!

    Kruko: Mi timas ke mi suferas pro plenkreskula atento-nesuficha sindromo.
    Baniko: Kio estas tio?
    Kruko: Estas kiam plenkreskulo spertas infanecajn simptomojn, estante nekapabla koncentri la atenton je unu afero dum certa periodo.
    Ghuste tiam preterpasas Amanda tenante hundidon.
    Kruko: Ho, vidu la beletan hundideton!
    Baniko: S'luton, etulo!
    Amanda foriras, kaj Kruko daurigas: Mi timas ke mi suferas pro plenkreskula atento-nesuficha sindromo.
    Baniko: Kio estas tio?


NEKUTIMA KUTIMIGO

    Kuracisto: S-ro Kruko, mi ne plu preskribos al vi tiun chi medikajhon, Trankvileks.
    Kruko: Kial ne?
    Kuracisto: Char ghi povas esti kutimiga.
    Kruko: Tute ne! Mi prenas ghin jam de jaroj!


PARADIZO SEN AVIZO

    Kiam Kruko kaj Baniko aghas 90 jarojn, ili plu estas plej bonaj amikoj. Sed Baniko suferas pro kancero, kaj baldau mortos.
    Kruko: Baniko, vi kaj mi shategas futbalon de nia infanagho. Ni ludis chiujare en la loka teamo. Mi petas de vi komplezon. Kiam vi alvenos en paradizon (kaj mi scias ke vi ja iros tien), mi petas ke vi iel sciigu min chu oni ludas futbalon en paradizo.
    Baniko kortushite rigardas Krukon: Vi estas mia plej bona amiko de chiam. Se entute eblos, mi faros al vi tiun komplezon.
    Kaj mallonge poste, Baniko forpasas.
    Kelkajn tagojn poste, je noktomezo, Kruko estas vekita de stranga, timiga vocho kiu vokas lin: Kruko, Kruuuuuko....
    Kruko: Kiu estas!?
    Fantomo de Baniko: Estas mi, Baniko.
    Kruko: Ne eblas! Baniko jhus mortis!
    Baniko insistas: Sed ja estas mi, Baniko. Mi parolas al vi transtombe.
    Kruko: Chu tio estas vere vi, Baniko? Kie vi do estas?
    Baniko: Mi estas en paradizo. Kaj mi devas informi vin ke mi havas unu bonan novajhon, kaj unu malbonan novajhon.
    Kruko: Diru al mi unue la bonan novajhon.
    Baniko: La bona novajho estas ke ja trovighas futbalo en paradizo. Ech pli bone, chi tie trovighas chiuj niaj malnovaj amikoj. Ankorau pli bone, ni chiuj estas denove junuloj! Kaj pli, chi tie chiam estas printempo, neniam estas malbona vetero. Kaj plej bone, ni povas tiom ludi futbalon kiom ni volas, char ni neniam lacighas!
    Kruko: Chu vere? Tio estas vere fantasta novajho, pli bona ol mia plej ekstrema imago. Sed... kio estas la malbona novajho?
    Baniko: Vi ludos golon venontan mardon.


PRIVATA MESAGHO

    Jochjo: Mi jhus sendis retmesaghon al Sankta Nikolao, kun mia listo de kristnaskdonacoj. Pachjo, chu vi volas ke mi sendu al vi kopion?
    Kruko: Ne, filchjo. Mia principo estas neniam legi aliulajn poshtajhojn....


PRIVATA MESAGHO (2)

    Kruko diras al Jozefino: Vidu, nia filo tamen retmesaghis al mi sian kristnaskan donacoliston.
    Jozefino: Do?
    Kruko: Bonshance ke mia komputilo ne havas sufiche da memorkapablo por malfermi tiom gigantan dokumenton.


PRIVATA MESAGHO (3)

    Kruko ricevas kopion de la retmesagho kiun lia filo sendis al Sankta Nikolao: "Por kristnasko, mi volas nur pacon en la mondo. Subskribo: Jochjo."
    Kruko parolas al sia filo: Jochjo, mi estas profunde kortushita pro via tia malegoisma deziro. Sed chu vi vere kredas ke Sankta Nikolao, au mi mem, povus havigi mondpacon?
    Jochjo respondas: Estus grandioze se vi povus havigi ghin. Sed se ne, anstataue jen mia dudek-pagha donacolisto!


ESTU EN LA GHUSTA GRUPO

    Kruko: Mi kredas ke la mondo estas dividita en du hom-grupojn.
    Baniko: Chu? Kiuj?
    Kruko: Mi fakte ne scias. Sed chiel ajn, mi certe estas en la malghusta.


VERA MENSOGO

    Jozefino parolas al sia filino: Amanda, mi timas ke vi devos de nun mensogi pri via agho.
    Amanda: Sed kial, panjo? Mi estas nur dudek-jara.
    Jozefino: Por konformigi je miaj mensogoj pri
mia agho.


KRISTNASKA ARDO

    Jozefino: Jochjo preskau vundighis hodiau.
    Kruko: Chu? Kiel tio okazis?
    Jozefino: Li skribadis sian kristnaskan donacoliston, kaj lia krajono ekflamis.


FESTO-VESTO

    Amanda incitas sian frateton: Mi vidas ke hodiau vi portas vian paskan chemizon.
    Jochjo: Paska? Kial paska? Estos baldau kristnasko!
    Amanda: Ghi estas paska chemizo char ghi estas kovrita je ovajho.


RIPETO SEN IMPETO

    Aveto plendas: Mi konstatas ke ju pli mi maljunighas, des pli mi emas ripeti miajn dirojn.
    Kruko: Ne zorgu pri tio, aveto.
    Aveto: Kial ne?
    Kruko: Char ciuokaze neniu auskultas gemaljunulojn.


KIA GHENO SEN KOMPRENO

    Kruko plendas: Mia edzino ne komprenas min.
    Baniko: Estante iu kiu jes komprenas vin, mi povas diri ke tio estas preferinda.


KANTI, SED NE HANTI

    Kruko miskantas.
    Jozefino: Bonvolu kanti nur kristnaskajn kantojn.
    Kruko: Kial?
    Jozefino: Tiel ni devos auskulti vin nur unufoje jare.


VIA PLEJ ETA DEZIRO ESTAS ORDONO POR MI

    Jochjo: Jen, pachjo, la listo de miaj kristnaskaj bezonoj.
    Kruko, iom agacita: Chu bezonoj?
    Jochjo: Chu mi diris "bezonoj". Mi celis "postuloj".


SE TEMPO MANKAS, MI VIN MALDANKAS

    Jozefino krias: Jochjo! Vidu kiom vi estas malpuracha!
    Jochjo: Mi bedauras, panjo, sed mi falis en koton.
    Jozefino: Kaj en via tutnova kostumo!?
    Jochjo: Sed mi ja ne havis tempon por shanghi.


SUPERSTICHO, JEN FETICHO

    Kruko: Chu vi estas supersticha?
    Baniko: Tute ne.
    Kruko: Do, pruntedonu al mi 13 eurojn.


ALUDO AL LUDO

    Jochjo: S-ino Delkamp, chu Tochjo povas veni ludi futbalon kun ni?
    S-ino Delkamp: Ne. Li estas tro malsana por eliri la liton.
    Jochjo: Nu, do... chu lia pilko povas veni ludi kun ni?


JEN GLITO KUN INCITO

    La tuta familio iris al frostighinta Bervala Lago por glitkuri. Amanda envias Jochjon char li ricevis novajn glitshuojn.
    Jochjo: Jen, Amanda, vi povas uzi ilin unua.
    Amanda: Chu vere!? Vi estas aminda!
    Kruko: Mi estas fiera pri vi pro via malegoismo.
    Jochjo: ChEO (chio en ordo), pachjo. Mi atendas por vidi chu la glacio estas sufiche dika....


ROMPITA DONACO

    Amanda alkuras plorante: Panjo, panjo, Jochjo jhus rompis mian novan kristnaskdonacon!
    Jozefino: Ho, kia fripono! Kiel li faris tion?
    Amanda: Mi frapis lian kapon per ghi.


CHIAM DIRU LA VERON

    Jozefino tagmanghas kun Lio: Mi estas lacega! Mi pasigis la tutan matenon shanghante miajn kristnasko-donacojn.
    Lio miras: Chu vi vere devis shanghi chiujn?
    Jozefino: Mi vere lernis ion gravan, Lio: kristnaska donaclisto NE estas ghusta loko por mensogi pri viaj vestograndoj....


IMAGPOVO

    Baniko: Frauloj simple ne povas imagi la felichecon de la geedza vivo.
    Kruko: Jes. Kaj same multaj edzoj.


VUNDO

    Jozefino demandas al Jochjo: Kial vi ploras, fileto?
    Jochjo: Mi falis kaj vundis la genuon.
    Jozefino: Kiam tio okazis?
    Jochjo: Antau duonhoro.
    Jozefino: Sed mi ne audis vin plori tiam.
    Jochjo: Mi kredis ke vi ne estas hejme.


NENIAM TRO FRUE

    Jochjo: Pachjo, mi enuas.
    Kruko: Do, kial vi ne ludu per chiuj tiuj novaj ludiloj kiujn alportis la kristnaska koboldo?
    Jochjo: Sed mi JAM ludis per ili.
    Jochjo pripensas kelkajn sekundojn: Pachjo, chu vi kredas ke estas nun tro frue por ekfari mian venontjaran donacoliston...?


NOVA JARO

    Baniko: Kio okazas che vi, Kruko? Vi aspektas malgaja.
    Kruko: Jes. La finigho de la jaro chiam deprimas min.
    Baniko: Kial?
    Kruko: Char tio signifas la ekkomencighon de tuta nova jaro....


SANA PROMESO

    Lio estas che sia psikiatro, d-ro Cerbfos.
    Lio: Mia unua novjara promeso estas por esti pli sana kaj felicha.
    D-ro Cerbfos: Tio estas tre bona ideo, fraulino Lio.
    Lio: Jes. Sufiche sana kaj felicha por povi chesigi la psikanalizon.
    D-ro Cerbfos: Nu, tamen, neniam estas bona ideo tro hasti....


PEZA PROMESO

    Lio: Chu vi jam faris viajn novjarajn promesojn?
    Jozefino: Jes. Chijare mi alprenos kvin kilogramojn.
    Lio: Chu vi vere volas plipezighi?
    Jozefino: Ne. Sed unufoje mi shatus fari fareblan promeson....


BONA DEMANDO

    Kruko provas ripari sian auton.
    Baniko komentas: Se vi demandus min, mi dirus ke vi ne faras tion ghuste.
    Kruko incitighas: Kaj kiel vi farus ghin?
    Baniko: Ne demandu min....


HISTORIA SCIO

    Baniko: Mi eksentas min maljuna. Mia filino petis min helpi sin legi pri historio, kaj mi sentas nostalgion -- mi ja travivis parton de tiu historio!
    Baniko: Tio estas nenio, amiko. Jochjo petis min helpi lin verki artikolon pri dinosauroj... el miaj memorajhoj!


PROMESO ESTAS PROMESO

    Jozefino: Sed kion vi farachas!
    Kruko: Nu, mi nur spektas televidon....
    Jozefino: Jes, kaj samtempe manghas kuketojn kaj trinkas bieron. Kaj kio pri via novjara promeso perdi kelkajn kilojn?
    Kruko: Sed mi ne diris KIUN jaron!


SHMINKADO

    Tochjo: Kial via fratino metas tiom da shminkajho?
    Jochjo: Kial vi demandas?
    Tochjo: Hierau mi vidis shin en la kinejo, kaj shia vizagho plu ridetis kvin minutojn post kiam shi chesis ridi....


TAUGA SHTOFO

    Kruko en shtofvendejo: Mi shatus du metrojn da satano, mi petas.
    Vendisto: Vi celas diri "sateno", chu ne? "Satano" estas same kiel la diablo.
    Kruko: Ho, chu vi do jam konas mian edzinon?


PAROLDIFEKTO

    Kruko: Mia edzino havas ghenan paroldifekton.
    Baniko: Kion?
    Kruko: De tempo al tempo shi devas pauzi por spiri.


PACA ESTONTECO

    Kruko konsultas divenistinon.
    La divenistino rigardas kristalglobon, kaj diras: Mi vidas epokon kiam paco regos tra la tuta mondo.
    Kruko: Chu vere? La homoj devas esti tre felichaj.
    Divenistino: Homoj? Mi vidas neniujn homojn....


RICHA

    Kruko: Mia direktoro estas richa.
    Baniko: Chu? Kiom richa?
    Kruko: Li estas tiom richa ke mia kolesterolo plimultighas kiam mi estas en la sama chambro kiel li.


KIALO POR FIERI

    Jozefino plendas: Kruko, vi estas la plej mallaborema homo kiun mi iam renkontis.
    Kruko: Ho, mia panjo estus fiera pri mi.
    Jozefino: Chu fiera?
    Kruko: Jes. Shi chiam instigis min esti la plej bona....


GHUSTA GRANDO

    Baniko miras: Kruko, shajnas al mi ke viaj vestoj iom pendas sur vi. Via dieto bonege funkcias!
    Kruko: Fakte, mi jam delonge chesigis mian dieton. Sed mi achetis novajn vestojn unu grandon tro grandajn....


NE POVAS KUNLUDI

    Jochjo kaj Tochjo ludas vakerojn kaj indianojn, sed ili disputas char ambau volas esti indiano.
    Jozefino provas solvi la aferon: Vi ambau estu indianoj, kaj via avo povas esti la vakero.
    Jochjo plendas: Ne, avchjo tute ne povas kunludi... li estas jam skalpita!


MALRICHECO (du shercoj je la prezo de unu)

1. Kruko: Kiam mi estis knabo, ni estis tiom malrichaj ke ni ech ne povis acheti sledon kiam neghis.
    Baniko: Kion vi faris?
    Kruko: Mi deglitis montetojn sur mia frateto.

2. Kruko: Kiam mi estis knabo, ni estis tiom malrichaj ke ni manghis nur unufoje semajne.
    Baniko: Tio estas nenio. Ni estis tiom malrichaj ke ni havis nur po unu aknon.
(akno - ïðûùèê)


SEN MANGHI

    Amanda proponas: Jen, Kruko, provu tiun chi novan persiko-jogurton. Ghi estas sengrasa kaj sensukera.
    Kruko gustumas: Jes, kaj shajne ankau senpersika.


TEMPO FLUGAS

    Kruko kaj Baniko filozofiumas en la Verda Krepusko.
    Baniko: Jam la jaro 2006! Sed kien iras la tempo, Kruko?
    Kruko: Kiu scias? Mi interesighas nur pri de kie ghi venas....


<< >>

Ãëàâíàÿ ñòðàíèöà

Î ÂÑÅÎÁÙÅÌ ßÇÛÊÅPRI TUTKOMUNA LINGVO
Î ÐÓÑÑÊÎÌ ßÇÛÊÅPRI RUSA LINGVO
ÎÁ ÀÍÃËÈÉÑÊÎÌ ßÇÛÊÅPRI ANGLA LINGVO
Î ÄÐÓÃÈÕ ÍÀÖÈÎÍÀËÜÍÛÕ ßÇÛÊÀÕPRI ALIAJ NACIAJ LINGVOJ
ÁÎÐÜÁÀ ßÇÛÊÎÂBATALO DE LINGVOJ
ÑÒÀÒÜÈ ÎÁ ÝÑÏÅÐÀÍÒÎARTIKOLOJ PRI ESPERANTO
Î "ÊÎÍÊÓÐÅÍÒÀÕ" ÝÑÏÅÐÀÍÒÎPRI "KONKURENTOJ" DE ESPERANTO
ÓÐÎÊÈ ÝÑÏÅÐÀÍÒÎLECIONOJ DE ESPERANTO
ÊÎÍÑÓËÜÒÀÖÈÈ ÏÐÅÏÎÄÀÂÀÒÅËÅÉ ÝÑÏ.KONSULTOJ DE E-INSTRUISTOJ
ÝÑÏÅÐÀÍÒÎËÎÃÈß È ÈÍÒÅÐËÈÍÃÂÈÑÒÈÊÀESPERANTOLOGIO KAJ INTERLINGVISTIKO
ÏÅÐÅÂÎÄ ÍÀ ÝÑÏÅÐÀÍÒÎ ÒÐÓÄÍÛÕ ÔÐÀÇTRADUKO DE MALSIMPLAJ FRAZOJ
ÏÅÐÅÂÎÄÛ ÐÀÇÍÛÕ ÏÐÎÈÇÂÅÄÅÍÈÉTRADUKOJ DE DIVERSAJ VERKOJ
ÔÐÀÇÅÎËÎÃÈß ÝÑÏÅÐÀÍÒÎFRAZEOLOGIO DE ESPERANTO
ÐÅ×È, ÑÒÀÒÜÈ Ë.ÇÀÌÅÍÃÎÔÀ È Î ÍÅÌVERKOJ DE ZAMENHOF KAJ PRI LI
ÄÂÈÆÅÍÈß, ÁËÈÇÊÈÅ ÝÑÏÅÐÀÍÒÈÇÌÓPROKSIMAJ MOVADOJ
ÂÛÄÀÞÙÈÅÑß ËÈ×ÍÎÑÒÈ È ÝÑÏÅÐÀÍÒÎELSTARAJ PERSONOJ KAJ ESPERANTO
Î ÂÛÄÀÞÙÈÕÑß ÝÑÏÅÐÀÍÒÈÑÒÀÕPRI ELSTARAJ ESPERANTISTOJ
ÈÇ ÈÑÒÎÐÈÈ ÐÎÑÑÈÉÑÊÎÃÎ ÝÑÏ. ÄÂÈÆÅÍÈßEL HISTORIO DE RUSIA E-MOVADO
×ÒÎ ÏÈØÓÒ ÎÁ ÝÑÏÅÐÀÍÒÎKION ONI SKRIBAS PRI ESPERANTO
ÝÑÏÅÐÀÍÒÎ Â ËÈÒÅÐÀÒÓÐÅESPERANTO EN LITERATURO
ÏÎ×ÅÌÓ ÝÑÏ.ÄÂÈÆÅÍÈÅ ÍÅ ÏÐÎÃÐÅÑÑÈÐÓÅÒKIAL E-MOVADO NE PROGRESAS
ÞÌÎÐ ÎÁ È ÍÀ ÝÑÏÅÐÀÍÒÎHUMURO PRI KAJ EN ESPERANTO
ÝÑÏÅÐÀÍÒÎ - ÄÅÒßÌESPERANTO POR INFANOJ
ÐÀÇÍÎÅDIVERSAJHOJ
ÈÍÒÅÐÅÑÍÎÅINTERESAJHOJ
ËÈ×ÍÎÅPERSONAJHOJ
ÀÍÊÅÒÀ/ ÎÒÂÅÒÛ ÍÀ ÀÍÊÅÒÓDEMANDARO / RESPONDARO
ÏÎËÅÇÍÛÅ ÑÑÛËÊÈUTILAJ LIGILOJ
IN ENGLISHPAGHOJ EN ANGLA LINGVO
ÑÒÐÀÍÈÖÛ ÍÀ ÝÑÏÅÐÀÍÒÎPAGHOJ TUTE EN ESPERANTO
ÍÀØÀ ÁÈÁËÈÎÒÅÊÀNIA BIBLIOTEKO


© Âñå ïðàâà çàùèùåíû. Ïðè ëþáîì èñïîëüçîâàíèè ìàòåðèàëîâ ññûëêà íà ñàéò miresperanto.com îáÿçàòåëüíà! ÎÁÐÀÒÍÀß ÑÂßÇÜ