К.Чуковский
Муха-Цокотуха
 нарисовала Вика Гирленко Муха-Цокотуха |
K.Chukovskij MUSHO-COKOTUSHO Musho - musho - Cokotusho, Orumita ventra plusho! Tra la kampo shi sin movis, Kaj moneron Musho trovis. Iris Musho en bazaron Kaj achetis samovaron. "Venu, blatoj, min vizitu, Mi regalos vin per te'!" Kaj la blatoj en amasoj Kuris por eltrinki glasojn, Sed mushetoj - po tri tasoj Kun lakteto kaj kringeto. Nun la Musho-Cokotusho Estas nomfestulin'! Venis Mushon la puletoj Kun donaco - la botetoj, La botetoj - vera gloro, Kun la bukoj el la oro. Venis al la Musho La abel-avino, Festis Cokotushon Per miela vino. "Papilio, dia, Manghu konfitajhon, Au vi trovas fia Nian regalajhon?" Sed subite - kia ve' - Arane'! Trenas Mushon la oldul' al angul'. Volas povran vundi li, Cokotushon murdi li. "Karaj, karaj gastoj, mia savo! Araneon haku per la glavo! Mi manghigis vin, Mi trinkigis vin, Min ne lasu for Dum malbona hor'!" Sed la blata tachmento Tuj ektimis lin. Al anguloj kaj al fendoj Tuj fortiris sin. Chiuj blatoj - sub la matoj, La vermetoj - sub benketoj. La mushetoj - sub la lito, - Ne inklinas al milito! Kaj neniu ech iom movetas sin: Do, pereu kaj mortu la festulin'! Lokusteto, lokusteto, Tutsimila al hometo, Salt, salt, sur asfalt', Sub pontet', tie - halt'! Sed la monstro ne shercas, La brakoj-kruroj de Musho sangvershas, Araneo la dentojn en Mushon enpikas Kaj la sangon el shi li eltrinkas. Musho krie kriegas, Krishiras sin, Sed la monstro plu segas, Rikanas shin. Sed subite eta Kulo Flugas al la reto. Kaj en mano - hela brulo El la lanterneto. "Kie estas kruelulo? Mi ne timas!" - diras Kulo. Li atakas Araneon Per la sabra frapo, Kaj rulighas en pereon L' aranea kapo. Kulo mushan manon prenas Al fenestro kun shi venas: "Mi la monstron pereigis, Vin mi, Musho, liberigis, Kaj de nun, animo-ino, Estu mia fianchino!" Nun la blatoj kaj mushetoj Rampas el sub la benketoj: "Glora, glora estu Kulo - La venkinto ja!" Hej, milpieduloj, Hastu trans vojbuloj, Alvoku muzikistojn, Nune dancos ni! La lampiroj alkuregis, La lanternojn sperte flegis - Jen farighis gaje nun, Jen bonege do! Muzikistoj alkuregis, La tamburojn ekbategis, Tru-lu, tru-lu, tru-lu, tru-lo, Dancas Musho kun la Kulo! Kaj post ili Cimo-Cim Per la botoj plim kaj plim! Blatoj dancas kun vermetoj, Papilioj kun mushetoj. Kaj skarabaj uloj, Kornaj richeguloj, Chapojn svingbalancas, Kun elfinoj dancas. Tra-ra-ra-ro, tra-ra-rar, Dancas, dancas insektar'. La popolo distras sin - Musho ighas nun edzin' De la brava, de l' kuragha De belega juna Kul'! La formiko, la formiko, Shiras shuojn el dreliko, - Kun edzino sia dancas drashe, Skarabinojn okulsignas kashe: "Insektinoj vi, karulinoj vi, Skara-skara-skara- Skara-skarabinoj vi!" Kaj la botoj knaras, Kalkanumoj aras. Insektaro do senghene Gajos, gajos ghismatene: Nun la Musho-Cokotusho Estas nomfestulin'! Esperantigis V.Zlotnikova |