KABANETO

Staras en arbaro kabaneto.

Trotas pretere muso-el-kelo. Vidas ghi la kabaneton, haltas kaj demandas:

Kabano-kabaneto! Kiu loghas en vi?

Neniu respondis. Eniris la muso en la kabaneton kaj ekloghis tie.

Alsaltas al la kabaneto rano-lauta-kvako kaj demandas:

Kabano-kabaneto! Kiu loghas en vi?

Mi, muso-el-kelo. Kaj kiu estas vi?

Mi estas rano-lauta-kvako. Lasu min loghi kun vi.

Bonvolu!

La rano saltis en la kabaneton kaj ili ekloghis duope.

Kuras pretere leporo-longaj-oreloj. Haltis kaj demandas:

Kabano-kabaneto! Kiu loghas en vi?

Mi, muso-el-kelo.

Mi, rano-lauta-kvako. Kaj kiu estas vi?

Mi estas leporo-longaj-oreloj. Lasu min loghi kun vi.

Bonvolu!

La leporo saltis en la kabaneton. Kaj ili ekloghis triope.

Iras preter la kabaneto vulpino-pufa-vosto. Frapis shi al la fenestro kaj demandas:

Kabano-kabaneto! Kiu loghas en vi?

Mi, muso-el-kelo.

Mi, rano-lauta-kvako.

Mi, leporo-longaj-oreloj. Kaj kiu estas vi?

Mi estas vulpino-pufa-vosto. Lasu min loghi kun vi.

Bonvolu!

Eniris la vulpino en la kabaneton kaj ili ekloghis kvarope.

Alkuris lupo-griza-felo, enrigardis en la pordon kaj demandas:

Kabano-kabaneto! Kiu loghas en vi?

Mi, muso-el-kelo.

Mi, rano-lauta-kvako.

Mi, leporo-longaj-oreloj.

Mi, vulpino-pufa-vosto. Kaj kiu estas vi?

Mi estas lupo-griza-felo. Lasu min loghi kun vi.

Bonvolu!

La lupo eniris en la kabaneton kaj ili ekloghis kvinope.

Loghas ili chiuj en la kabaneto, kantas kantojn.

Sed jen, iras pretere urso-kurbaj-kruroj. Ekvidis la urso la kabaneton, ekaudis la kantojn, haltis kaj ekhurlis tutvoche:

Kabano-kabaneto! Kiu loghas en vi?

Mi, muso-el-kelo.

Mi, rano-lauta-kvako.

Mi, leporo-longaj-oreloj.

Mi, vulpino-pufa-vosto.

Mi, lupo-griza-felo. Kaj kiu estas vi?

Mi estas urso-kurbaj-kruroj. Lasu min loghi kun vi.

Sed vi estas tro granda!

Mi sukcesos!

La urso ekrampis en la kabaneton. Rampis-rampis, rampis-rampis tra pordo, tra fenestroj neniel povas enrampi, kaj diras:

Prefere mi sur via tegmento loghu.

Vi dispremos nin!

Ne, mi ne dispremos!

Surgrimpis la urso la tegmenton, jhus sidighis krak! dispremis la kabaneton. La kabaneto disfalis kaj apenau el ghi elsaltis: muso-el-kelo, rano-lauta-kvako, leporo-longaj-oreloj, vulpino-pufa-vosto, lupo-griza-felo chiuj vivaj kaj nedifektitaj.

Rigardis ili unuj la aliajn kaj komencis trabojn portadi, tabulojn segi, tegolojn meti novan kabaneton konstrui. Taugan por chiuj.

Multe pli bonan konstruis! Kaj ekloghis tie sesope: amike kaj gaje.

PRI TUTKOMUNA LINGVO
PRI RUSA LINGVO
PRI ANGLA LINGVO
PRI ALIAJ NACIAJ LINGVOJ
BATALO DE LINGVOJ
ARTIKOLOJ PRI ESPERANTO
"" PRI "KONKURENTOJ" DE ESPERANTO
LECIONOJ DE ESPERANTO
.KONSULTOJ DE E-INSTRUISTOJ
ESPERANTOLOGIO KAJ INTERLINGVISTIKO
TRADUKO DE MALSIMPLAJ FRAZOJ
TRADUKOJ DE DIVERSAJ VERKOJ
FRAZEOLOGIO DE ESPERANTO
, . VERKOJ DE ZAMENHOF KAJ PRI LI
, PROKSIMAJ MOVADOJ
ELSTARAJ PERSONOJ KAJ ESPERANTO
PRI ELSTARAJ ESPERANTISTOJ
. EL HISTORIO DE RUSIA E-MOVADO
KION ONI SKRIBAS PRI ESPERANTO
ESPERANTO EN LITERATURO
. KIAL E-MOVADO NE PROGRESAS
HUMURO PRI KAJ EN ESPERANTO
- ESPERANTO POR INFANOJ
DIVERSAJHOJ
INTERESAJHOJ
PERSONAJHOJ
/ DEMANDARO / RESPONDARO
UTILAJ LIGILOJ
IN ENGLISHPAGHOJ EN ANGLA LINGVO
PAGHOJ TUTE EN ESPERANTO
NIA BIBLIOTEKO


. miresperanto.com !