Karaj forumanoj, kion mi hierau skribetis, devas scii chiuj
homoj, des pli
esperantistoj, kiuj estas iusence avangardo de la homaro. Kredu,
ke mi tute
ne estas frenezulo. Se vi demandos min pri io konkreta, mi
volonte daurigos
la temon, sed hodiau mi volas paroli pri pronomoj.
Chu valoras ripari aparaton, kiu normale funkcias? Chu valoras
reformi
Esperanton, se ghi bone servas kiel internacia lingvo? Mi ne
vidas
problemojn kun Esperantaj pronomoj. Sistemo de E-pronomoj, eble,
ne estas
perfekta kaj absolute logika, sed ghi estas tute bona. Char ni
mem ne estas
perfektaj, ni ne kapablas konstrui perfektan lingvon kaj ni ne
kapablus uzi
perfektan lingvon. Esperanto estas tiom perfekta, kiom eblas sur
tiu chi
etapo.
Mi ne komprenas, karaj forumanoj, kial vi estas tiom elektemaj
koncerne
kritikadon. Kiam Unuigho proponis pli ofte uzi "ci",
kiu estas en E-vortaro,
vi tre longe kaj akre kritikis lian proponon. Kiam alia
esperantisto
proponis anstataui bonajn pronomojn "li" kaj
"shi" per sola "ri", vi
silentas! Ech trovighis subtenanto de tiu kontraufundamenta
propono!
Shajnas, ke vi estas pretaj kritiki Unuighon chiam, kiam li
malfermas
bushon...
Kial vi ne kritikas la "Riismon"? Al mi shajnas, ke
"Riismo" bazighas sur
miskompreno.
Ni, viroj, devas estimi, ami kaj adori virinojn, sed tio ne
signifas, ke
necesas chiel neniigi diferencojn inter viro kaj virino! Ekzisto
de "li" kaj
"shi" estas granda valoro, kaj tute ne necesas forigi
ilin. (Marko komprenis
mian aludon, ke chiu normale erotika teksto en riisma varianto
aspektos
samseksame). Tiel same sufikso "-ich-" ne estas necesa.
Mi dubas, ke tion
elpensis virinoj. Tiamaniere postuli "egalrajtecon"
estus tre stulte.
Nun aperis proponoj pri novaj pronomoj: ivi, lili, shili ktp.
Kvazau
Esperanto ne estas viva lingvo kun miloj da uzantoj, sed
surpapera
projekto...
Ni direktu chiujn fortojn ne al nenecesa reformado de Esperanto,
sed al ghia
ghiamaniera disvastigado. Invitu chiujn konatajn al vi
esperantistojn
partopreni nian forumon. Serchu en Interneto lokojn, kie E-semoj
povus
ekghermi. Multaj homoj revas lerni Esperanton, sed ne scias, kiel
trovi
eblecon. Ili havas rajton je informado! Memoru, pasivaj WWW-ejoj
ne multe
helpas, char ili supozas aktivecon de la lernontoj. Estas ni mem,
kiuj devas
esti aktivaj... (27.02.99)