En la Unua Libro de Zamenhof estis genia ideo fari tutmondan
vochdonadon pri
internacia lingvo. Zamenhof konsciis, ke nur tre malmultaj homoj
ekdeziros
lerni lian lingvon. Multaj homoj dirus (tiam, kaj ankau nun):
"mi lernus
ghin, se ankau aliaj homoj lernus". Tial la Majstro decidis
antaue kolekti
publikajn promesojn lerni la lingvon, esperante kolekti 10 000
000
promesojn. En la Libro estis kuponoj kun teksto: "PROMESO.
Mi, subskribita,
promesas ellerni la proponitan de d-ro Esperanto lingvon
internacian, se
estos montrita, ke dek milionoj personoj donis publike tian saman
promeson.
Subskribo: ..." Oni povis skribi "kontrau", se oni
estas kontrau komuna
lingvo ghenerale; kaj "senkondiche", se oni konsentas
lerni la novan lingvon
sendepende de kvanto da jam kolektitaj promesoj. Mi ne disponas
datumojn pri
rezulto de tiu kampanjo, kaj mi ech ne scias, en kiom granda
eldonkvanto
estis eldonita la Unua Libro...
La ideo mem antaue serchi konsenton de homamasoj pri internacia
lingvo,
estis genia. Sed nur nun, post apero de Interneto, tia kampanjo
estas
relative facile realigebla. Iu E-organizajho povus amase dissendi
afishon
kun simila demando: "Chu vi volas, ke la homaro ekuzu
internacian lingvon
Esperanto?" Samloke estu du adresoj; se oni respondas al la
demando jese,
oni sendu malplenan mesaghon al la unua adreso; se oni kontrauas,
sendu
malplenan mesaghon al la dua adreso. Tia vochdonado forprenas nur
unu
minuton. Kaj pro graveco de la demando, ghi certe ne kolerigos la
"spamatojn". Oni povus automate sendi al chiu pozitive
respondinto pli
ampleksan informon pri Esperanto; en ghi estu adreso, respondinte
al kiu la
homo ricevus tutan lernolibron... Mi donacas al vi tre valoran
ideon, eble
iu forumano realigos ghin? (05.05.99)