Esperanto estas tutmonde konata internacia lingvo.
Soc.culture.esperanto
estas tutmonde abonebla novajhgrupo pri Esperanto. Kial do ghin
partoprenas
tiom malmulte da homoj? Mi partoprenas SCE ekde januaro, kaj mi
vidas, ke
nia forumo ne kreskas, ne ighas pli vigla nek interesa. Kutime
afishas nur
la sama grupeto da chiamuloj: Simiono, Frankenklivo, Sebastiano
Harstariga
ktp. Fojfoje alvenas novaj homoj, sed ili ne deziras longe
partopreni SCE
pro tio, ke en ghi estas tro multe da malafablaj au stultaj
mesaghoj. Tio
estas vero, char homoj, malproksimaj de spirito, ne povas verki
ion
interesan. Tamen mi firme kredas, ke oni povas kaj devas shanghi
SCE, ke ghi
ighu aktiva kaj utila por Esperanto. Eble, unu el rimedoj por tio
estus
pripensi VERAN celon de nia forumo, trovi por ghi "internan
ideon".
Mi volas rememorigi al vi la 11-an "dogmon" de
Homaranismo:
==========================================================
Kiam en mia urbo estos fondita templo homarana, mi devas kiel
eble pli ofte
vizitadi ghin, por frate kunvenadi tie kun homaranoj de aliaj
religioj,
ellaboradi kune kun ili morojn kaj festojn neutrale-homajn kaj
tiamaniere
kunhelpi al la iom-post-ioma ellaborigho de filozofie pura, sed
samtempe
bela, poezia kaj varma vivo-reguliga religio komune-homa, kiun
gepatroj
povos sen hipokriteco transdoni al siaj infanoj. En la templo
homarana mi
auskultados la verkojn de la grandaj instruintoj de la homaro pri
la vivo
kaj morto kaj pri la rilato de nia "mi" al la universo
kaj al la eterneco,
filozofie-etikajn interparolojn, altigajn kaj nobligajn himnojn
k.t.p. Tiu
chi templo devas edukadi la junulojn kiel batalantojn por la
vero, bono,
justeco kaj chiuhoma frateco, ellaboradi en ili amon al honesta
laboro kaj
abomenon por frazisteco kaj por chiuj malnoblaj malvirtoj; tiu
chi templo
devas donadi spiritan ripozon al la maljunuloj, konsolon al la
suferantoj,
doni la eblon sensharghigi sian konsciencon al tiuj, che kiuj ghi
estas
sharghita per io k.t.p. Tiel longe kiel en mia urbo ne ekzistas
templo
homarana, mi devas kiel eble plej ofte kunvenadi por komunaj
interparoladoj
kun aliaj homaranoj de mia urbo, kaj se tiaj ne ekzistas, mi
devas
komunikighadi letere kun homaranoj de aliaj urboj.
=========================================================
Tiu "dogmo", tiu nerealighinta revo de Zamenhof,
shajnas unuavide tre naiva,
sed envere ghi estas treege bela kaj ghusta. Kaj shajnas, ke plej
oportuna
loko por Homaranisma Templo estas SCE - virtuala loko, kie povas
anime
renkontighi bonaj homoj el diversaj landoj. Homaranismo estas
animo de
Esperanto. Kiel homo devas koni sian animon, tiel ankau Esperanto
devas
chiam turnighi chirkau sia origina celo. Mi proponas al chiuj
bonaj
forumanoj (kiuj, certe, estas plimulto) kune konstrui Virtualan
Homaranisman
Templon. Anoncu vin, Homaranoj! (05.10.99)