Nova strategio por E-movado

Proksimighas Berlina UK, kaj mi esperas, ke ghi donos fortan impulson por
progreso de Esperanto. Gravas, ke oni tie laueble malpli amuzighu, sed
laueble pli diskutadu pri estonteco de nia lingvo kaj kiel proksimighi al la
"fina venko". Esperanto estas destinita ne por agrabla tempopasigado, sed
por unuigi la homaron kaj por chiam forigi militojn kaj chian interpopolan
malamikecon. Jen kelkaj miaj ideoj, speciale por la UK.
Kiel vi pensas, kiu estas pli forta: esperantistaro au neesperantistaro? Mi
respondas: esperantistoj estas pli fortaj, kvankam ili ankorau ne konscias
tion. Ili opinias sin malfortaj kaj tial timas iri al batalo. Sed nia venko
estas garantiita, necesas nur esti kuraghaj. Esperantistoj estas unuecaj,
dum oponantoj de Esperanto estas disigitaj, ja ne ekzistas iu anti-Esperanta
movado kun klare difinta idearo. La oponantoj kontrauas unu al la alia, tial
esperantistoj facile povas venki ilin en chiu disputo. Ni kuraghe lanchu
polemikon pri estonta internacia lingvo chie, kie eblas. Nur tiel eblas
progresi (mi jam skribis pri tio).
Mi kredas, ke ni devas akcepti novan strategion - aktivan, avanceman. Por
tio necesas rifuzi timemon kaj mem-izolismon. Universalaj Kongresoj devas
esti malfermitaj al chiuj. Chiu UK devas havi du oficialajn lingvojn:
Esperanton kaj la lingvon de lando, kie ghi okazas. Oni devas inviti al UK
ne nur esperantistojn, sed chiujn dezirantojn, precipe eminentulojn, por ke
ili propraokule konvinkighu pri viveco de la internacia lingvo. Chiu UK
devas farighi grava evento en vivo de tiu lando kaj doni gravan impulson al
kresko de ties E-movado. Bedaurinde, nun tio ne okazas. Char la kongresoj
okazas NUR en Esperanto, ili ne estas interesaj por eksteruloj kaj pasas
preskau nerimarkite.
Alia propono: E-libroj estas interesaj nur por esperantistoj. Mi opinias, ke
estus utile, se en chiu E-libro enestu mallonga antauparolo pri Esperanto en
la nacia lingvo (t.e. en la lingvo de la lando, kie la libro eldonighas) kun
t.n. "shlosilo" - mallonga gramatiko. Tio okupus nur kelke da paghoj, sed
utilo povus esti granda - tiel la libron povus acheti chiu nacilingvulo.
Eble, en fino de la libro aperu mallonga E-nacilingva vortareto. Tiel chiu
libro povus servi kiel lernolibro. En Rusio oni ofte eldonas porinfanajn
librojn kun paralelaj rusaj kaj anglaj tekstoj, kun instruaj celoj. Jen
bonega rimedo, kiun ankau esperantistoj povus imiti. Infanoj estas nia plej
perspektiva "klientaro", char ghuste infanoj per sia pura koro facile
"kaptas" la noblan ideon, kiun Esperanto enhavas.
Mi tre volus, ke oni pridiskutu tiujn proponojn en Berlino. E-movado jam
posedas grandegan potencialon. Venis tempo, kiam nia "armeo" komencu la
finan kampanjon. Ni povas subteni unu la alian pere de komputila reto. Tial
necesas instigi kiel eble pli multajn samideanojn partopreni Interneton.
Esperantio estas ghermo de Nova Mondo. Kiu ne scias Esperanton, tiu ankorau
ne naskighis por la Nova Mondo, kvankam jam multaj milionoj songhas pri ghi.
Ni do veku la homojn! (04.07.99)

N.G.

PRI TUTKOMUNA LINGVO
PRI RUSA LINGVO
PRI ANGLA LINGVO
PRI ALIAJ NACIAJ LINGVOJ
BATALO DE LINGVOJ
ARTIKOLOJ PRI ESPERANTO
"" PRI "KONKURENTOJ" DE ESPERANTO
LECIONOJ DE ESPERANTO
.KONSULTOJ DE E-INSTRUISTOJ
ESPERANTOLOGIO KAJ INTERLINGVISTIKO
TRADUKO DE MALSIMPLAJ FRAZOJ
TRADUKOJ DE DIVERSAJ VERKOJ
FRAZEOLOGIO DE ESPERANTO
, . VERKOJ DE ZAMENHOF KAJ PRI LI
, PROKSIMAJ MOVADOJ
ELSTARAJ PERSONOJ KAJ ESPERANTO
PRI ELSTARAJ ESPERANTISTOJ
. EL HISTORIO DE RUSIA E-MOVADO
KION ONI SKRIBAS PRI ESPERANTO
ESPERANTO EN LITERATURO
. KIAL E-MOVADO NE PROGRESAS
HUMURO PRI KAJ EN ESPERANTO
- ESPERANTO POR INFANOJ
DIVERSAJHOJ
INTERESAJHOJ
PERSONAJHOJ
/ DEMANDARO / RESPONDARO
UTILAJ LIGILOJ
IN ENGLISHPAGHOJ EN ANGLA LINGVO
PAGHOJ TUTE EN ESPERANTO
NIA BIBLIOTEKO


. miresperanto.com !