Hierarhhio

"...Vi per citoj de Dio kaj Sekretaj Doktrinoj pravigas plej hierarhhian
socion..." - Sylvain Auclair.

Mi rememoras mian malnovan disputon kun Nikolao Gudskov, kiu simpatias
anarhhiismon. Anarhhio (sen-regado) estas kontrauo de hierarhhio (sankta
regado). Kiu malakceptas hierarhhian socion, tiu evidente subtenas ararhhian
ordon. Anarhhiismo bazighas sur falsa imago pri homa libereco fari kion ajn
li volas, pri lia absoluta sendependeco disde aliaj homoj. Sed estas ja
evidente, ke se ni akceptos anarhhismon, la homaro disfalos je unuopaj
individuoj, kiuj ech ne povos sin nutri. Farighos neeblaj chiaj entreprenoj,
char chia konstruado bazighas sur kunlaboro kaj hierarhhio.
Hierarhhio ne estas perforto kaj sklaveco, ghi estas chefa legho de la
kosmo. Nia korpo prezentas mirindan ekzemplon, kiel miliardoj da cheletoj
harmonie kunlaboras lau principoj de ghusta hierarhhio. Chiu cheleto
plenumas sian specifan funkcion konforme kun siaj kapabloj. Se ni rompos la
hierarhhion en homa korpo kaj aranghos anarhhion, kio farighos? La homo tuj
mortos, kaj neeviteble mortos ankau chiuj "liberaj" cheletoj. Tuta homaro
estas simila al homa organismo. La homaro ne prezentas aron da absolute
sendependaj homoj, chiu el kiuj vivas por si mem. Chiu homo estas ero de la
homaro, li vivas por helpi al ghi pluekzisti kaj evolui. Kiel cheletoj
konsistigas organojn, chiu el kiuj plenumas sian funkcion, tiel ankau homoj
konsistigas diversajn popolojn, chiu el kiuj havas siajn apartajn talentojn
kaj ludas sian unikan, necesan por la tuta aro rolon. Chiu lando posedas
siajn apartajn richajhojn, kiuj kompreneble estas destinitaj ne nur por tiea
popolo, sed por tuta homaro. Bedaurinde, ghis nun la homaro ne unuighis;
chiu ghia "organo" vivas por si mem, konkurante kaj iufoje ech militante kun
aliaj. Tial tuta homara organismo estas grave malsana.
Ni povas kompari Teron kun shipo. Chiu shipanaro konsistigas striktan
hierarhhion. Se ni aranghos anarhhion sur shipo, ghi vrekos au dronos; en
chiu okazo, ghi ne venos al sia destinejo. Ankau Tero ne ekzistas por si
mem. Ghi plenumas sian funkcion en Suna sistemo, kaj la homaro kiel
shipanaro devas helpi al sia planedo. Estas grava eraro pensi, ke celo de la
homaro estas aranghi paradizon por si mem kaj plue nur ghui, nenion farante!
Hierarhhia principo dominas ne nur en subhomaj, sed ankau en superhomaj
Regnoj. Angheloj, Arkiangheloj, Gvidantoj de planedoj kaj de galaksioj -
chiuj kunagadas lau tiu principo. Tion mencias ech Biblio, parolante pri
"shtuparo de angheloj" (Genezo, 28 - 12). Sole homo, kvazau kaprica infano,
ankorau emas kontraui al tiu Kosma legho... (09.04.99)

N.G.

PRI TUTKOMUNA LINGVO
PRI RUSA LINGVO
PRI ANGLA LINGVO
PRI ALIAJ NACIAJ LINGVOJ
BATALO DE LINGVOJ
ARTIKOLOJ PRI ESPERANTO
"" PRI "KONKURENTOJ" DE ESPERANTO
LECIONOJ DE ESPERANTO
.KONSULTOJ DE E-INSTRUISTOJ
ESPERANTOLOGIO KAJ INTERLINGVISTIKO
TRADUKO DE MALSIMPLAJ FRAZOJ
TRADUKOJ DE DIVERSAJ VERKOJ
FRAZEOLOGIO DE ESPERANTO
, . VERKOJ DE ZAMENHOF KAJ PRI LI
, PROKSIMAJ MOVADOJ
ELSTARAJ PERSONOJ KAJ ESPERANTO
PRI ELSTARAJ ESPERANTISTOJ
. EL HISTORIO DE RUSIA E-MOVADO
KION ONI SKRIBAS PRI ESPERANTO
ESPERANTO EN LITERATURO
. KIAL E-MOVADO NE PROGRESAS
HUMURO PRI KAJ EN ESPERANTO
- ESPERANTO POR INFANOJ
DIVERSAJHOJ
INTERESAJHOJ
PERSONAJHOJ
/ DEMANDARO / RESPONDARO
UTILAJ LIGILOJ
IN ENGLISHPAGHOJ EN ANGLA LINGVO
PAGHOJ TUTE EN ESPERANTO
NIA BIBLIOTEKO


. miresperanto.com !