Esperanto estas Luma Ideo. Ghi, kiel Lakmusa papereto,
montras esencon de la
homoj. Menciu Esperanton en iu novajhgrupo, kaj tuj komencighos
bataloj
inter tiuj, kiuj deziras unuighon kaj progreson de la homaro, kaj
tiuj, kiuj
(konscie au subkonscie) kontrauas tion. Tute same Agni-Jogo
montras esencon
de chiu homo. Chiuj bonaj homoj ghojas pri ghi, sed ankau
inverse.
Esperanto kaj Agni-Jogo estas pli proksimaj unu al la alia, ol
oni kutime
opinias. Agni-Jogo - mesagho de Kosma Hierarhhio al la nuntempa
homaro -
klare parolas pri estonta tutmonda lingvo. Esperantismo, siavice,
klare
celas al unuigo de la homaro kaj al Nova Epoko de Tutmonda
Frateco.
Praktike, esperantismo estas siaspeca Agni-Jogo, kaj chiu vera,
idea
esperantisto estas Agni-Jogano. Gravas kompreni tion.
Bedaurinde, multaj esperantistoj furioze kontraubatalas
Agni-Jogon. Ili same
fervore atakas ghin kaj chian spiritan scion, kiel iuj
neesperantistoj
atakas Esperanton. Argumentoj kaj metodoj estas la samaj. Oni ne
deziras pli
detale konatighi kun la afero, fermas la okulojn kaj krias:
"stultajhoj! ne
necesa! vana malshparo de tempo! forighu!" ktp. Ili defendas
sian rajton
resti en mallumo, sed kial ili rompas la rajton de aliaj esti
informitaj?
Chu fragmentoj el Agni-Jogo konvenas en SCE? Mi estas konvinkita,
ke
SCE estas plej oportuna loko por intershanghi siajn idealojn. Tio
povas esti
pashetoj al formigho de nova, tutmonda kulturo. Agni-Jogo estas
donita al
tuta homaro kiel instrukcio por pli rapide kaj senprobleme
transiri al la
felicha Luma Epoko. La tekstoj de la Saghuloj tushas chiujn
problemojn kaj
prezentas al ni novajn temojn por interesa kaj utila pridiskuto.
Sed,
evidente, iuj SCE-anoj preferas legi sensencajhojn, klachojn kaj
insultojn.
Kiel unuighos la homaro? Tute certe, ne per glavo kaj ne per
politikaj
intertraktadoj. Unuigho de la homaro devas unue okazi en kapoj
kaj koroj de
la amasoj. La popoloj devas penetrighi per noblaj homaranismaj
ideoj. Ili -
komence unuopaj individuoj, poste pli kaj pli multaj - devas
agnoski Luman
Hierarhhion, kiu en chiuj epokoj gvidis la homaron al progreso,
kaj akcepti
ghian filozofion. Kunlaborantoj de Luma Hierarhhio estas jam
fratoj kaj
samideanoj, sendepende de nacieco kaj haut-koloro. Tial
disvastigado de
Agni-Jogo kaj aliaj ghustaj Doktrinoj, kiel Kosmologio de
Martinus, estas
plej rekta vojo al paco kaj frateco sur nia planedo.
Tiel same ankau en nia SCE nur tiam ekfloros unueco, paco kaj
amikeco, kiam
chiuj ghiaj partoprenantoj penetrighos per humanismaj ideoj
(Homaranismo,
Kosmologio, Agni-Jogo kaj kelkaj aliaj Doktrinoj estas fakte la
samo). Ghis
tiu tempo chi tie neeviteble dauros ardaj bataloj. (18.10.99)