PRI HOMARANISMO (3)

• Chiuj Spiritaj Instruistoj de chiu religio formas iaspecan tutmondan
  panteonon. Kristo, Buddo, Mahometo, Moseo, Hermeso Trismegista ktp formas
  tutteran Frataron. Ankau nun sur tero vivas homoj, similaj al ili. En XX-a
  jarcento ili donacis pere de rusa familio Roerich Agni-Jogon. Tiu doktrino
  (kune kun aliaj, donitaj al aliaj popoloj) kushighos en bazo de tutmonda
  etiko, religio, scienco... Tial Homaranismo devas akcepti ekziston de tiuj
  Instruistoj kaj ilian Doktrinon. En alia okazo ghi havos nenian valoron.

• Ech se ni ne povas plibonigi la mondon, penante ghin plibonigi - ni
  plibonigas nin mem. Ech se ni ne povas konvinki iun ajn el vi pri niaj
  ideoj, ni poluras tiujn ideojn en nia konscio. Ghuste tial valoras
  diskutadi. En diskutoj kaj disputoj naskighas plej valoraj pensoj. Por ke
  aperu fajrero, necesas interfrapi du pezajhojn. :)
  
  Vegetarismo estas ordonita al la homaro ne de polvokovritaj sanktaj libroj,
  sed de vivantaj Majstroj.
  Homaranismo ne estu librobreto kun chiuj akumulighintaj stultajhoj de
  perversitaj religioj, kune kun iliaj dogmoj, oferadoj, indulgencoj,
  cirkumcidoj kaj aliaj idiotajhoj.
  Instruistoj diras: "venis tempo por purigi librobretojn"...

• La tuta sagheco de nia raso devenas el Hindio. Sed ghi ne naskighis en
  Hindio. Legendoj rakontas, kaj jhusaj malkovroj de scienco konfirmas, ke la
  hindan civilizacion fondis gento, veninta el nordo. Tiu gento konsistis el
  geniuloj, ghi posedis grandegajn sciojn pri Kosmo. Ghi kreis Vedojn kaj
  mitologion (kiu enhavas multajn astronomiajn kaj astrologiajn sciojn). Tiu
  gento - arjoj - loghis sur teritorio de nuna Rusio (suda Uralio, norde de
  Kazahhio). Nur en fino de XX-a jarcento oni malkovris ruinojn de arjaj urboj
  (Arkaim kaj aliajn). Vizitu www.arkaim.com por pli da informoj. Germanoj kaj
  aliaj europaj popoloj devenas de arjoj, tamen rusa lingvo konservis pli da
  vortoj el arja lingvo (simila al sakskrito). Hitler ion sciis pri arjoj, sed
  li chion perversis ghis plena malo kaj kompromitis tiun temon.

• Kiu ne scias kaj ne scias, ke li ne scias, tiu estas malsaghulo.
  Kiu ne scias, sed scias, ke li ne scias, estas jam duonmalsaghulo.
  Kiu scias, sed ne scias, ke li scias, tiu estas ankorau duonsaghulo.
  Kiu scias kaj scias, ke li scias, tiu estas saghulo.

• Neniu scias chion, sed ankau neniu scias nenion. Chiu scias ion. Matematike
  tio eblas ilustri, ke nenies scioj egalas al nulo au infinito, sed chies
  scioj trovighas ie inter 0 kaj infinito.

• Scienco kaj religio esence ne kontraudiras unu alian. Ili ambau estas scioj,
  sed pri du diversaj mondoj: materia kaj spirita. Scienco okupighas pri
  materio, religio pri spirito. Pligrandigante siajn sciojn, ili proksimighas
  unu al alia, kaj kiam ili unuighos, venos Nova Epoko. Jam multaj sciencistoj
  esploras homan auron, reenkarnighojn, astrologion kaj similajn temojn, kiuj
  estas proksimaj al religio. Kaj religioj jam ne neas sciencon.
  
  Scienco devas esti kora, kaj religio - racia. Ghis nun scienco restas
  senkora, kaj religio - senracia.

• Chiuj homoj chiam disputadas kaj ne vidas veron. Ekzistas centoj da
  interbatalantaj politikaj partioj, filozofioj. La sola eliro el tiu kacho
  estas ekrigardi supren kaj akcepti vidpunkton de la Hierarkio. Nur tiam ni
  ekhavos firman grundon sub la piedoj.
  La sola savo por homoj estas religighi kun Hierarkio, aliokaze ili eterne
  batalados kaj disputados inter si, kiel malgrandaj infanoj en infanejo sen
  plenaghuloj.

• En nia mondo, sufichas diri ian verajhon, kaj vi tuj estos atakita. Ju pli
  saghe iu parolas, des pli furioze oni lin atakos. Tio estas legho.
  
  Paco en malvero estas falsa paco. Al vera Paco oni povas veni nur en Vero,
  sed al Vero oni povas veni nur tra Batalo kaj Venko.

• Gudskov vidas nur negativan flankon de la religio, kaj liaj ideoj pri ghi
  estas tiom primitivaj, ke ne valoras ech respondi al ili. Envere, sen
  religio ne eblas imagi homan kulturon. Mi ech dirus, ke la tuta kulturo
  estas bazita sur religio.

• Pri literaturo. Literaturo, kiel tuta arto, estas tre ligita kun religio.
  Chiu bona literatura verko havas celon fari homojn pli bonaj,
  malkovri en ili spiriton, do pliproksimigi ilin al Dio. Chiu literaturajho
  (ankau kinofilmo), kiu ne havas tian celon, estas nur vorta rubo.
  
  Sekve, neante Dion kaj chion spiritan, altan kaj noblan, homo mem izolas sin
  de fonto de vera kreado. Rifuzinte superan, li restas nur kun malsupera. Jen
  kial nin inundis kruelaj, maldecaj, hororaj kaj sensencaj verkoj kaj filmoj.

• Jes, de nomo de kristanoj estis iam farataj grandaj krimoj. Sed tio jam
  estis perverso de vera Kristanismo. Kristo ne instruis detrui ion ajn.
  Mallumuloj penetras en chiujn movadojn; kiam kristana religio estis pura,
  oni kruelege ekzekutadis kristanojn, sed kiam mallumuloj penetris en
  gvidantaron de la eklezio, ili komencis same kruele persekuti ne-kristanojn.
  Tio estas konata historio. Sed chu la krimoj, faritaj de nomo de
  kristanismo, devas nin forpushi de instruoj de Kristo? Mallumuloj volas
  ghuste tion. Ili mem perversas lumajn ideojn, por poste kalumnii pri ili.
  Tio sama okazis kun komunisma ideo.

• Nun mi volas diri kelkajn vortojn pri prelegoj, kiuj estas farataj en
  E-aranghoj. Se esperantistoj volas nur amuzighi, tio estas ilia rajto. Sed
  naturo ne toleras vakuon, kaj aperas prelegantoj, kiuj bone scias la
  lingvon, sed kiuj prezentas ideologion, rekte kontrauan al Homaranismo kaj
  malamikan al Rusio. Anstatau auskulti mallumajn prelegojn de E-lingvanoj,
  rusiaj esperantistoj prefere invitu vere klerajn homojn - ekzemple
  aktivulojn de Roerich-movado, kiuj povos fari tre interesajn kaj utilajn
  prelegojn. Certe, la prelegoj estos en rusa lingvo, sed prefere auskulti ion
  saghan en nacia lingvo, ol ion malsaghan en lingvo internacia.
  
  Ortodoksa eklezio kiel organizajho nun ne estas sana, vere, sed oni devas
  estimi la ortodoksan religion kiel ankau chiujn aliajn. Ghuste tion instruas
  Homaranismo, lau mi.
  
  Batalado estas neevitebla, se ni volas progresi. Mi bonege komprenas, ke
  plimulto da homoj (kaj ankau mi) malshategas bataladon, sed ghi estas
  necesa, se bonaj homoj ne volas malvenki.

• Ekzistas chiuj 4 tipoj de homoj:
  a) senkoraj senraciuloj (sovaghuloj)
  b) koraj senraciuloj (religiuloj)
  c) senkoraj raciuloj (ateistoj-materiistoj)
  d) koraj raciuloj (adeptoj de Agni-Jogo, Teosofio, Martinus ktp)
  
  Kio estas bona kaj kio malbona, homo komprenas ne per racio, sed per koro.
  
  Ekzistas aforismo: "bonkoreco estas supera sagho".
  Sekve, "krueleco estas supera idioteco".

• Batalo estas bona, se ghi estas defendo de bono. Jugho kaj kondamno povas
  esti bonaj, se ili estas direktitaj kontrau malbono. Ech milito povas esti
  bona, se ghi estas defendo de sia lando kontrau agresantoj. Kaj ech mortpuno
  iam estas pravigita, se temas pri krimeguloj. Ni chiam devas konsideri, al
  kio estas direktita la ago; depende de tio, ghi (ekstere aspektanta same)
  povas esti bona au malbona. Estas tre danghere elpensi iujn dogmojn.
  Unuflanka pensado estas grava kaj ofta eraro de homoj.

• Mi konsideras chiujn nun ekzistantajn kaj iam ekzistintajn religiojn kiel
  _sektojn_ de unu tutmonda religio. Chiuj "naciaj" religioj konformas al
  kulturo de sia popolo; chiu estas bela kaj chiu estas parte vera. La
  religioj kontrauas unu al alia nur tiom, kiom ili foriris de origina
  sagheco, de doktrino de siaj fondintoj.
  Tutmonda religio formighos per jena maniero: chiu religio devas revizii
  siajn dogmojn kaj rezigni tiujn, kiuj estas bazitaj sur nescio. Chiu religio
  proksimighos al teozofio; che tio ilia ekstera aspekto restos la sama.
  "Nacia lau aspekto, teozofia lau enhavo".
  Unua afero, kiun devas fari pastroj de chiu religio, estas - agnoski rajton
  ekzisti por aliaj religioj, ne kondamni ilin kaj ne minaci per infero al
  chiuj malsamkredantoj.

• Homaranismo  d e v a s  akcepti Luman Hierarkion, Internacian Panteonon de
  Spiritaj Instruistoj. Chiuj Spiritaj Instruistoj donis diversajn doktrinojn,
  char chiu epoko kaj chiu popolo bezonis apartan doktrinon. Sed esence iliaj
  doktrinoj ne kontrauas unu al alia. Kristo, Buddo kaj aliaj Instruistoj
  instruis proksimume la samon. Tion scias chiu teozofo.

• Ni plirichigu la ideojn de Zamenhof. Unu dogmo ne sufichas por krei
  religion. Ora Regulo ne estas suficha por konstrui felichan tuthomaran
  socion. Multaj Spiritaj Instruistoj postlasis treege ampleksan doktrinon -
  Buddo, lastatempe - Ajvanhhov, Martinus... (Ankau Kristo tre multe instruis
  Apostolojn, sed lia  a u t e n t i k a  doktrino estis iom post iom - pro
  persekutoj kaj pro malklereco de postaj pastroj - p e r d i t a). Lau mi,
  chiuj originaj, neperversitaj doktrinoj, estas  b r i k o j  de la
  Homaranisma Templo. Kaj Zamenhof ja aludis pri tio...

• Ekzistis kaj ekzistas homoj, kiuj scias pli viv-leghoj pli multe, ol
  scienculoj. Ekzemple, Martinus, Ajvanhhov, Blavatskaja. Iliaj eldiroj povas
  (shajne) kontraudiri al scienco. Sed tiu kontraudiro estas nur portempa,
  ghis scienco ankorau estas tre neperfekta.
  Malakcepti Doktrinojn de Majstroj estas same malhomaranisme, kiel malakcepti
  sciencon.

• >La homaranismo estas originala universalisma fenomeno, kies
  >konstruprincipoj kaj kies chefaj trajtoj estas tre similaj al tiuj de
  >Esperanto: - Serchi kaj krei ian fundamenton "neutrale homan",
  
  Ne necesas serchi kaj krei. La fundamento jam ekzistas, sub diversaj nomoj:
  Teozofio, Agni-jogo, Kosmologio de Martinus kaj aliaj Doktrinoj de Majstroj.
  Ni devas kompreni ilian unuecon. Sintezo de chiuj lumaj Doktrinoj - ne
  gravas, el kiu lando ili devenas - estas vera Homaranismo.

• Scienco faras vivon de homoj pli bona, sed ghi ne faras la homojn mem pli
  bonaj. Scienco tute ne okupighas pri moralo kaj pri edukado de koro. Homoj
  sekve akiras mirindajn teknikajhojn, sed restas kruelaj kaj uzas ilin por
  malbono. Scienco ne instruas, kiel vivi. Ghi kolektas faktojn, sed ne faras
  konkludojn el ili. Tial scienco ne sufichas. Devas ekzisti alia, kroma fonto
  de scioj.

• La Spiritaj Instruistoj apartenas al la Hierarkio, kiu kondukas ghis Dio.
  Ili transdonas al ni ghustajn sciojn, kun celo korekti nian evoluon. Kaj ili
  ne eraras. La Supera Mondo per multaj diversaj kanaloj donas al ni savantajn
  sciojn, kiuj memkompreneble ne kontraudiras reciproke kaj ne kontraudiras
  sciencajn faktojn.

• Teozofio estas ghuste tuthomara doktrino, kiu dum jarmiloj estis kashita de
  amasoj kaj apartenis nur al grupetoj da sin kashantaj (pro kompreneblaj
  kialoj) pensuloj. Nun tiu Doktrino estas publika, kaj chiu povas konatighi
  kun ghi. Ne chiuj komprenas ghin, sed tio estas ilia problemo.
  Aliflanke, se homaranismo serchas _jam ekzistantajn universalajhojn_, do
  kion ghi povas trovi? Nur banalajn, pri nenio devigajn dogmojn kaj ech
  diversajn erarojn. Lau mia opinio, ni devas ne adapti nin al la komunaj
  normoj, sed kontraue, levi tiujn normojn ghis ilia konformigho kun volo de
  Instruistoj.

• Ni konsideru, ke Zamenhof ne sciis multajn aferojn, kiujn ni nun scias (au
  povas scii). Li multon sentis intuicie. Ne chiuj liaj opinioj rilate
  tuthomaran religion taugas por nia tempo. Dum la pasintaj 100 jaroj la
  homaro ne staris surloke rilate tiun problemon. Aperis novaj belegaj
  Doktrinoj. Ni ne povas ignori ilin kaj reveni je 100 jaroj malantauen.
  Per la nomo homaranismo mi proponas nomi ne la zamenhoman idearon, ne ghis
  fino ellaboritan, sed sumon de chiuj ghustaj Spiritaj Doktrinoj. Intuicie
  Zamenhof ja volis ghuste tion, char lau lia penso, homaranoj en siaj temploj
  auskultos librojn de Grandaj Saghuloj de diversaj popoloj...

• Gravas agnoski ekziston de Spirita Mondo kaj Luma Hierarkio. Tiun chi
  postulon plenumas chiu luma Doktrino. Chiu povas preferi tiun au alian
  Doktrinon, sed gravas agnoski, ke ili devenas el unu Fonto.