EL LIBROJ DE AGNI-JOGO (3)

• Provu diri al homoj pri lumo de scio kaj pri bono de spirito, kaj oni
  timos vin, kiel rabistojn kaj banditojn...

• Ne afliktighu pro hom-malamaj skribajhoj - la mallumo estas granda! La
  mallumuloj povas nur mallumigi. Sed se demandi ilin, kiel fari pli bone, -
  ili nur koleregos, char ne pli bone, sed pli malbone fari estas ilia misio.

• La Fortoj de Lumo ne pro sia malforteco ne neniigas la malamikon, sed pro
  deziro ne rompi antautempe ekvilibron de la planedo.

• Ne eblas konvinki mallumulojn, sed eblas paralizi ilin kaj konsiderinde
  senfortigi, tial tiel gravas rilati al la mallumo aktive.

• Kiuj pensas, ke songhoj okazas pro digestado, tiuj povas preterdormi plej
  valorajn signojn de la realo.

• Ciganinoj ofte donas kuracajhojn kune kun vorta formulo, opiniante, ke nur
  che tiu maniero la kuracajho efikos. Tiel konservighas Niaj Himalajaj
  tradicioj en multaj generacioj de migrantoj. Efektive, se ni komparos efikon
  de kuracajhoj, akceptitaj bondezire au kun abomeno, do la diferenco estos
  miriga. Plej fortaj kuracajhoj povas kauzi preskau malan postsekvon, se ili
  estos akompanitaj per konforma sugesto.

• Psikismo (mediumismo) estas fenestro al la Fajna Mondo, sed instruisto
  diros al lernanto: "Ne turnu vin ofte al la fenestro, sed rigardu en la
  libron de vivo".

• Ragh-Agni - tiel oni nomis tiun Fajron, kiun vi nomas entuziasmo.
  Efektive, ghi estas tiu belega kaj potenca Fajro, kiu purigas tutan
  chirkauan spacon.
  Ne pensu, ke tiu Fajro povas bruli en fia koro.

• Eblas montri ghustan direkton, sed chiu perforto jam kontrauas la kosman
  leghon. La Mondo fajra povas esti akirajho nur de propra koro. Neniu estis
  enkondukita en la Regionon Fajran perforte.

• Kelkaj homoj povas ekpensi - kiel facile estas al la Majstroj, ja Ili
  eliris super terajn malfacilajhojn. Tiel diros tiu, kiu ne konas realon.
  Kiel sur Tero, tiel ankau en Chielo. Forpasas malfacilajhoj teraj, sed venas
  nekompareblaj zorgoj kosmaj. Vere, se estas malfacile sur Tero, do en Chielo
  estas ankorau pli malfacile. En chiuj mondoj estas malfacile pro multaj
  specoj de mallumo kaj de la sama hhaoso. Nur profanoj pensas, ke laboro de
  Chielanoj estas nur kantoj kaj harpoj. Se al homoj damaghas diabloj, do
  Arhhianghelojn kontraustaras mem Satano.

• Laudu spiritemajn homojn. Certe, ili faras heroajhojn ne por laudoj, sed
  ankau ili bezonas defendon de ilia spirita agado.

• Post novaj kataklismoj la homaro enpashos la vojon de kunlaborado. Sed
  eblas imagi, kion devas travivi du reciproke malamikaj najbaroj, por ke ili
  ekpensu pri komuna utilo!

• Certe, vi audis, kiel iuj homoj plendas pri senutileco de preghado. Ili
  diros: "Por kio estas la ermitoj kaj monakejoj, kiam la mondo dronas en
  malfelicho!" Sed neniu pensas, je kio transformighus la mondo, sen la
  preghado!
  Vere, necesas gardi la ponton al la Supera Mondo.

• Memorajhoj facile ighas talismanoj. Same memortagoj faras ritmon utilan.
  Necesas kompreni, ke memorajhoj vekas tajdojn de amo kaj alportas kvazau
  purigon de auro.

• Krueleco devas esti elradikigita; ne nur krueleco de agoj, sed ankau
  krueleco de pensoj; la lasta estas pli malbona ol la ago mem.
  Infanoj ne estas kruelaj ghis ili vidos unuan kruelan agon; ghi kvazau
  malfermas torenton da malluma hhaoso.
  Ni ne ripetadu mortece la grandan testamenton - "ne mortigu!" Sed ni
  ekpensu, kie estas pli da mortigo: en mano, en vorto au en penso?

• Iam la ligo kun Superaj Mondoj estis senpera, sed poste, post
  disdividigho, komencighis serchoj de mehhanikaj metodoj, por almenau iel
  restarigi la komunikadon. En Kali-Jogo tiuj metodoj ighis senpovaj... En
  Satia-Jugo oni devos denove reveni al senpera komunikigho kun la Mondoj
  Superaj...
  Kie do povas esti vojoj al la Fajra Mondo, ol ne per Agni-Jogo? Ja
  Hatha-Jogo ne kondukas al la Mondo Fajra.

• Chiu cheleto de nia organismo enhavas milionojn da milionoj da dratoj. Ne
  por dormado estas donitaj tiaj fajnegaj aparatoj.

• Nutrajho ne estas bezonata en kutima kvanto. Oni saghe diris, ke "mangho
  estas chenoj de diablo". En chiu okazo, pli multe da homoj pereas pro troa
  manghado, ol pro malsato. Ne necesas tuj rompi la kutimojn, sed eblas
  indiki, ke chiu nenecesa mangho estas malutila.

• Oni ofte demandas - kial evolucio de la mondo estas tiel malrapida. Unu el
  chefaj kauzoj estas neado, char morteca ghi estas. Ghi, same kiel dubo,
  forhakas jam maturighintajn eblecojn. Neado ne estas racia kritiko, ghi
  estas kiel muelila shtono sur kolo.

• Necesas kompreni la chefan leghon, ke Instruisto donas direkton, sed ne
  insistas pri detaloj.
  Ne al preta manghajho vokas la Instruisto, sed Li konas lokojn en la arbaro,
  kie eblas kolekti maturajn berojn. Al tiu loko de felicha kolektado invitas
  la Gvidanto kaj bedauras, se lernanto preferas acheti malpurajn berojn en
  bazaro.

• Ni aprezas klerajn kuracistojn, ja ili chiam trovighas sub minaco de
  forpelo el Kuracistaj Societoj. Heroeco estas necesa chie, kie estas Vero.

• Ligo kun la Hierarhhio estas vera beno kun chiuj postsekvoj. Demandos
  profanoj: "Ni multfoje insultis chion Superan, kaj tamen ni ekzistas, neniu
  fajro forbruligis nin, kaj nenio minacas al ni". Tiam ni kondukos ilin al
  placo, kie en koto rampadas blindaj almozuloj, kaj diros: "Jen vi ankau". Ni
  kondukos ilin al prizonoj, kondukos al minejoj, kondukos al incendioj,
  kondukos al ekzekutoj. Ni diros: "Chu vi ne rekonas vin? Apenau shirighis
  via ligo kun la Supero - kaj vi flugis en abismon".
  Insultado de la Principoj estas tiom granda kaj terura, ke la postsekvoj ne
  povas esti tujaj.

• Homoj malfacile komprenas la ideon pri kunlaboro, sed multe pli malfacila
  kaj nekomprenebla estas por ili la ideo pri Frateco. Sanga parenceco
  malhelpas akcepti la konscion pri Frateco. Homoj pli ofte nomas ghin utopio,
  ol provas apliki ghin en la vivo.
  Se homoj ech en eta familia vivordo ne trovas Fratecon, do en globala skalo
  ghi shajnas tute ne reala.

• Ech plej bonaj aldonoj al la ideo pri Frateco nur malaltigadis ghin kaj
  faradis malfacile atingebla. Ghi estis kombinata kun libereco kaj egaleco,
  sed en tera stato ekzistas nek libereco, nek egaleco.

• Se vi venos al homgrupo kun alparolo - Amikoj kaj Kunlaborantoj, do
  plimulto ekrigardos vin suspekteme. Sed se vi ekkuraghos nomi ilin - Fratoj
  kaj Fratinoj, do vi plej vershajne estos forpelita pro la nepermesebla
  titolado.
  Homoj ofte fondas diversajn Komunumojn kaj Asociojn, sed en ilia bazo
  forestas ech simpla fido. Sekve, tiuj iniciatoj estas tre malproksimaj de
  Frateco, kiu estas firma bastiono de fido.

• Kiam do oni parolu pri necesaj ideoj? Ghuste tiam, kiam ili estas pleje
  detruitaj. Nome, ni diros pri ili tiam, kiam homoj jam opinias ilin tute ne
  espereblaj. Kial ghuste nun Ni rememorigas pri Frateco? Char homoj en sia
  malespero venos serchi la antaudiritan Kunfratecon.

• Se la largha ideo pri Frateco deduktighis nur al parenceco lau sango, do -
  la konscio tre malrichighis. Ofte la konscio estas tiom limigita, ke homoj
  ne komprenos ghenerale, kia Frateco povas ekzisti ekster sanga parenceco.

• Se daurigi la ideon pri amikeco kaj kunlaboro, ni ricevas Fratecon (=
  Shambala), kiu egale apartenas al Tera kaj Fajna Mondoj.

• Povas esti, la Frateco ekzistas? Povas esti, ghi, kiel ankro de la tero,
  tenas la ekvilibron?

• La Frateco nomighas Triobla. Ghi etendighas kiel fortika ponto, inter tri
  Mondoj - Tera, Fajna kaj Fajra. Preskau ne eblas imagi kontaktojn de Tera
  kaj Fajra Mondoj, sed en nia Frateco ech tia kunigho estas ebla.

• Neniu volas esti sur izolita kampo sen ebleco ekrigardi trans la barilo.
  Necesas trovi almenau malgrandan fendeton, por ekvidi eblecon proksimighi al
  Senlimo...
  Povas esti, sur chiu planedo trovighas loko de grandaj renkontighoj.

• Sur vojoj al la Frateco provizu vin per fido. Ni parolas ne pri ia blinda
  kredo, sed nome pri fido.
  Estulo, plena je dubo, ne taugas por kunlaboro.

• Sur vojoj al Frateco necesos ankau abnegacio. Vershajne, multaj trovos
  tian kondichon ne plenumebla. Ili ne imagas, kiel ofte homoj ech en ordinara
  vivo rivelas tiun econ. Chiu inspiro, chiu shatokupo nepre enhavos ankau
  abnegacion.
  Herooj ne estas maloftaj, sed ili ne chiam estas armitaj per glavoj kaj
  lancoj.

• Kelkaj homoj malmulte parolas pri Frateco, sed multe por ghi faras. Sed
  estas ankau tiaj, kiuj chiam havas Fratecon sur lango, sed ankau perfido
  estas proksima.